बर्दिवास । नेपाली कांग्रेस महोत्तरीले सोमबार जिल्लाभरका पार्टी कार्यकर्ताबीच बृहद् अन्तरक्रिया कार्यक्रम आयोजना गरेको छ । पार्टीका महामन्त्री विश्वप्रकास शर्माको प्रमुख अाितथ्यतामा हुने सो अन्तरक्रियामा जिल्लाभरका पार्टी कार्यकतालाई आमन्त्रण गरिएको छ ।
जलेश्वरस्थित जिल्ला समन्वय समितिको हलमा हुने सो बृहद् अन्तरक्तिया कार्यक्रम दिउसो १ वजे सुरु हुने आयोजक नेपाली कांग्रेस महोत्तरीले जनाएको छ । पार्टीको जिम्मेवारीप्रति हराउँदै गएको कार्यकर्ताको जाँगरमा पुनर्ताजगी ल्याउन कार्यक्रमको मुख्य लक्ष्य रहेको आयोजकले जनाएको छ ।
महामन्त्री शर्मा युवापुस्ताका कार्यकर्ताबीच लोकप्रिय व्यक्तित्व हुन् । शर्मा आफ्नो बाल्ने कलाद्वारा आम मानिसको ध्यान तान्नसक्ने नेतामा पर्दछन् । महामन्त्री आफैमा पार्टीको कार्यकारी पद पनि हो, जसलाई पार्टीका सबै रणनीतिका वारेमा जानकारी हुने गर्छ । कांग्रेसमा जल्दोबल्दो बौद्धिक र वैचारिक नेता भएकाले उनको प्रमुख आतिथ्यतामा हुने कार्यक्रमले कार्यकर्तामा नयाँ जागरण पैदा हुने विश्वास लीएको सो पार्टीको जिल्ला अध्यक्ष नागेश्वर यादवले बताए ।
