साउन १० । सौर्य एयरलाइन्सको विमान दुर्घटनामा ज्यान गुमाएका १८ जनाको शोकमा आज राष्ट्रिय झण्डा आधा झुकाइने भएको छ ।
बुधबार बिहान त्रिभुवन अन्तर्राष्ट्रिय विमानस्थलबाट पोखराका लागि मर्मतका लागि उड्ने क्रममा सौर्य एयरको विमान दुर्घटना भएको थियो ।
जहाज दुर्घटनापछि बुधबार साँझ बसेको मन्त्रिपरिषद्को आकस्मिक बैठकले बिहीबार राष्ट्रिय झण्डा आधा झुकाएर शोक मनाउने निर्णय गरेको हो ।
यससँगै बैठकले जहाज दुर्घटनाको छानबिन गर्न पाँच सदस्यीय छानबिन समिति पनि गठन गरेको छ । नागरिक उड्ययन प्राधिकरणका पूर्वडीजी रतिश चन्द्रलाल सुमनको संयोजकत्वमा पाँच सदस्यीय छानबिन समिति गठन गरिएको छ ।
विमानमा सवार १९ जनामध्ये १८ जना उडेको केही सेकेन्डमै दुर्घटनाग्रस्त भएका थिए ।
जहाजका चालक मनिरत्न शाक्यलाई जीवितै उद्धार गरिएको छ । शाक्य उपचारपछि खतरामुक्त छन् ।
