२६ माघ,महोत्तरी । माहोत्तरीको बर्दिवास नगरपालिका ११ स्थित खैरमाराको गर्दी खोलामा लास फेला परेको छ ।
आज साझ बुटवाहरु खेलाकै छेउ बाट जंगल जादाँ मृत अवस्थामा देखेपछि प्रहरीलाई खबर गरेको थियो । बर्दिवास नगरपालिका ११ बस्ने अन्दाजी ५१ वर्षीय एम बहादुर घताने (बिक) को मृत्यू भएको छ । उनको आईतवार साझ मृत्यु भएकोे ईलाका प्रहरी कार्यालय बर्दिवासको प्रहरी निरिक्षक बालिस्टर सिंहले जानकारी दिनुभएको छ ।
उनका अनुसार ति पुरुष अत्याधिक मदिरा सेवन गरेको र साझको वेला प्रस्ट बाटो नदेखिएको हुदाँ खोला बाट खसेको हुनसक्ने प्रारभिक अनुसन्धानले देखाएको छ ।
मृतकको शव पोस्टमार्टम लागि जनकपुर अञ्चल अस्पताल पठाईएको प्रहरीले जनाएको छ । मृत्यु कसरी भएको भन्नेबारे थप रिपोर्ट आएपछि मात्र बताउन सकिने ईलाका प्रहरी कार्यालय बर्दिवासले जनाएको छ ।
