काठमाडौँ, साउन २ । नवलपरासी पूर्वमा छोराले ढुंगा प्रहार गरी बाबुको हत्या गरेका छन् ।
बुधबार बिहान साढे ११ बजे कावासोती नगरपालिका–५ ठकुरीचोकेमा बाबु–छोराबीच झगडा हुँदा छोराले ढुंगा प्रहार गरि ४३ वर्षीय बुवा प्रेम कुमालको मृत्यु गरेको हो ।
जिल्ला प्रहरी कार्यालयका डिएसपी बेद पौडेलका अनुसार घरमा पालेको कुकुरलाई पिटेको विषयमा प्रेम र उनका १८ वर्षीय छोरा निरजनबीच झगडा भएको थियो । प्रेमले गर्दा घरपालुवा कुकुरको हत्या भएको छ ।
सोही विषयमा विवाद हुँदा निराजनले बुबामाथि ढुंगा हानेको डिएसपी पौडेलले बताए ।
उनका अनुसार प्रेमको टाउकोमा ढुंगा लाग्दा घटनास्थलमै मृत्यु भएको थियो ।
घटनाको जानकारी पाएलगत्तै प्रहरी निरीक्षक विक्रम रिजालको नेतृत्वमा सात जनाको टोली परिचालन गरिएको छ । टोलीले छोरा निराजनलाई पक्राउ गरेको छ ।
प्रहरीले घटनाबारे थप अनुसन्धान सुरु गरेको छ ।
