काठमाडौं, असार ३१ । नेपालका नवनियुक्त प्रधानमन्त्री केपी शर्मा ओलीलाई भारतीय प्रधानमन्त्री नरेन्द्र मोदीले बधाई दिएका छन् ।
उनले सामाजिक सञ्जाल एक्समा शुभकामना सन्देश पठाउँदै दुई देशबीचको मित्रतालाई थप प्रगाढ बनाउन चाहेको बताए ।
‘दुई देशबीचको मित्रताको गहिरो बन्धनलाई अझ प्रगाढ बनाउन र राष्ट्रका जनताको उन्नति र समृद्धिका लागि अझ घनिष्ट सहकार्य र विस्तार गर्न म तयार छु,’ उनले भने ।
