१ चैत्र, बर्दिवास । चोरीका सामानसहित प्रहरीले एकजनालाई पक्राउ गरेको छ ।
पक्राउ पर्नेमा बर्दिवास नगरपालिका १ बस्ने ३५ बर्षीय भोला साह रहेको ईलाका प्रहरी कार्यालयको प्रहरी निरिक्षक बालिष्टिर सिंहले बताएका छन ।
साहलाई प्रहरीले स्थानीय मिन बहादुर गुर्मछानेको निर्माण समाग्री चोरी गरेको आरोपमा साहलाई पक्राउ गरिएको छ । उनलाई चोरीको निर्माण समाग्री सिमेन्ट, रड, पाइप, पानी तान्ने मोटर सहित पक्राउ गरिएको छ ।
चोरलाई पक्राउ गरी थप अनुसन्धानका लागि जिल्ला प्रहरी कार्यालय महोत्तरी पठाएको निरिक्षक सिंहले बताएका छन ।
