काठमाडौं– भोटेकोशीमा आएको बाढीका कारण भएको क्षतिको उद्दारमा नेपाली सेनाले ३ वटा हेलिकप्टर परिचालन गरेको छ ।
दुईवटा उद्दार र एउटा स्वास्थ्यकर्मीसहितको हेलिकप्टर नुवाकोट र रसुवामा परिचालन भएको जनाइएको छ ।
त्यस्तै, सरकारले धादिङ, नुवाकोट, रसुवा र चितवनका सबै सुरक्षाकर्मीलाई फिल्डमा परिचालन गरिएको र सो क्षेत्रमा उद्दार र समन्वयका लागि फोन र डाटा निःशुल्क गरिएको जनाएको छ ।
