महोत्तरी। महोत्तरीमा स्रोत नखुलेको नगदसहित एकजना पक्राउ परेका छन्। मनरा शिसवा नगरपालिका-३ सोनौल बजारबाट ११ लाख ५१ हजार ३ सय रुपैयाँ नगदसहित सम्सी गाउँपालिका-७ का गौतम साहलाई प्रहरीले पक्राउ गरेको हो।
जिल्ला प्रहरी कार्यालय महोत्तरी र नेपाल प्रहरीको प्रहरी चौकी इटहर्वाटकट्टीबाट खटिएको टोलीले पोखरभिण्डबाट सोनौल बजारतर्फ आउँदै गरेको म.प्र.०२-००९ प १५१७ नम्बरको मोटरसाइकलमा सवार उनलाई बिहीबार उक्त रकमसहित नियन्त्रणमा लिएको जनाएको छ।
बरामद रकमको स्रोत नखुलेपछि उनलाई नियन्त्रणमा लिइ अनुसन्धान अघि बढाइएको प्रहरीले जनाएको छ।
