काठमाडौं, पुस २९ गते ।
भारतीय कांग्रेसले नेता राहुल गान्धीको नेतृत्वमा आजबाट सुरु भएको भारत जोडो अभियानको दोस्रो चरण सुरु गरेको छ । यस अभियानको दोस्रो चरणको नाम ‘भारत जोडो न्याय यात्रा’ राखिएको छ ।
दोस्रो चरणको अभियान मणिपुरको थौबल जिल्लाबाट सुरु भएको छ । आठ महिनाअघि मणिपुरमा भएको साम्प्रदायिक हिंसाबाट ठौबल पनि प्रभावित भएका थिए ।
थौबलको खोङजोम युद्ध स्मारकमा श्रद्धाञ्जली अर्पण गरेपछि गान्धीले अभियान सुरु गर्नेछन् । सन् १८९१ मा अंग्रेज(मणिपुर युद्धमा मारिएकाहरूको सम्झनामा खोङ्जोममा युद्ध स्मारक बनाइएको थियो।
जनवरी १४ देखि मार्च २० सम्म चल्ने अभियानको दोस्रो चरण पूर्वमा मणिपुरदेखि पश्चिममा मुम्बईसम्म चल्नेछ । यस क्रममा राहुल गान्धी १४ राज्यका ८५ जिल्ला पुग्नेछन् ।
यसअघि भारतीय कांग्रेसले २०२२ को सेप्टेम्बर ७ मा कन्याकुमारीबाट भारत जोडो अभियानको पहिलो चरणको सुरुवात गरेको थियो। यो यात्रा १३६ दिनपछि जम्मु कश्मीर पुगेर टुंगिएको हो ।
मूल्यवृद्धि, बेरोजगारी र भाजपाको विभाजनकारी राजनीतिविरुद्ध सबैलाई एकजुट गर्ने उद्देश्यले कांग्रेसले ‘भारत जोडो’ अभियान सुरु गरेको थियो ।
एक नेताले कांग्रेस छोडे
यसैबीच आजबाट दोस्रो चरणको चुनावी प्रचारप्रसार सुरु गर्दै भारतीय कांग्रेसका एक नेताले पार्टी परित्याग गरेको घोषणा गरेका छन् ।
महाराष्ट्रका कांग्रेसका युवा नेता मिलिन्द देवराले साधारण सदस्य नभई पार्टी छोडेको घोषणा गरेका छन् ।
उनले सामाजिक सञ्जाल एक्समा लेखेका छन्, आज मेरो राजनीतिक यात्राको महत्त्वपूर्ण अध्याय समाप्त भएको छ । मैले रजनीनालाई कांग्रेसको साधारण सदस्यको रूपमा दिएको छु। योसँगै मेरो परिवारको यो पार्टीसँगको ५५ वर्ष पुरानो सम्बन्ध समाप्त भएको छ।
मिलिन्द देवरा कांग्रेसका वरिष्ठ नेता तथा केन्द्रीय मन्त्री मुरली देवराका छोरा हुन्।
श्रोत onlinekhabar
