काठमाडौं, पुस २६ गते ।
जर्मनीका प्रभावशाली स्ट्राइकर टिमो वेर्नर इंग्लिस प्रिमियर लिग क्लब टोटनह्याममा आवद्ध भएका छन् । २७ वर्षीय स्ट्राइकर टिमो जर्मन क्लब आरबी लाइपजिगबाट लोनमा टोटनह्याम पुगेका थिए । उनी चालू सिजनको अन्त्यसम्म टोटनह्याममै रहनेछन् ।
‘लोन’ को अवधि सकिएपछि टिमोलाई टोटनह्याममा बस्ने विकल्प पनि दिइएको छ । प्रख्यात दक्षिण कोरियाली स्ट्राइकर सन ह्युङ मिन र जेम्स म्याडिसनको अनुपस्थितिमा टिमोले टोटनह्यामको अग्रपंक्तिलाई प्रभावकारी रूपमा कभर गर्ने अपेक्षा गरिएको छ।
सन ह्युङ मिन एसिया कपका लागि दक्षिण कोरियाको राष्ट्रिय टोलीमा फर्किएका छन् भने जेम्स घाइते भएका छन् । यो मेरो लागि महत्त्वपूर्ण अवसर हो र म आफ्नो जिम्मेवारी पूर्ण रूपमा पूरा गर्नेछु,ू टिमोले भने ।
टिमोले यसअघि प्रिमियर लिग खेलिसकेका छन् । उनी २०२० देखि २०२२ सम्म चेल्सीसँग आबद्ध थिए । त्यतिबेला चेल्सीले यस जर्मन स्ट्राइकरका लागि ४५ मिलियन पाउण्ड खर्च गरेको थियो।
त्यसपछि पनि उनी आरबी लाइपजिग छोडेर चेल्सीमा आएका थिए । त्यतिबेला उनले चेल्सीका लागि ८९ खेल खेलेका थिए र २३ गोल गरेका थिए । उनीसँगैको टोलीले चेल्सीलाई च्याम्पियन्स लिग, सुपर कप र क्लब विश्वकप जितेको थियो ।
त्यसपछि २०२२ मा, उहाँ फेरि आरबी लाइपजिग फर्कनुभयो। उनले यो सिजन आरबी लाइपजिगका लागि १४ खेल खेलेका छन् र दुई गोल गरेका छन्। उनले जर्मन राष्ट्रिय टोलीबाट पनि ५७ खेल खेलिसकेका छन् । उनले अन्तिम पटक जर्मन राष्ट्रिय टोलीबाट मार्च २०२३ मा बेल्जियमविरुद्धको मैत्रीपूर्ण खेल खेलेका थिए।
श्रोत रातोपाटी
