काठमाडौं, असार ३१ गते ।
नेपाल आयल निगमले पेट्रोलियम पदार्थको मूल्य घटाएको छ ।
पत्रकार सम्मेलनको आयोजना गर्दै निगमले पेट्रोलमा प्रतिलिटर ६ रुपैयाँले घटाएको जानकारी दिएको छ । अब पेट्रोल पहिलो श्रेणीमा १६१.५०, दोस्रो श्रेणीमा १६३ र तेस्रो श्रेणीमा १६४ रुपैयाँ गरेको छ ।
त्यस्तै, मट्टितेल र डिजेलमा ४ रुपैयाँ घटाइएको छ भने एलपी ग्यासमा १० रुपैयाँ घटेको छ ।
डिजलको नयाँ मूल्य क्रमशः १४३.५०, १४५ र १४६ रूपैयाँ पुगेको छ ।
एलपीजीको अब नयाँ मूल्य १७९० रूपैयाँ कायम भएको छ ।
