बर्दिबास। महोत्तरीको बर्दिबास उद्योग वाणिज्य संघको निर्वाचनअन्तर्गत मतदान प्रक्रिया सम्पन्न भएको छ। कुल १ हजार ६ सय २६ मतदाता रहेकोमा १ हजार ४ सय १६ जनाले मतदान गरेका छन्, जुन ८७.०८ प्रतिशत हो।
निर्वाचन आयोगका सदस्य रामकुमार कार्कीका अनुसार २ सय १० जना अर्थात् १२.०२ प्रतिशत मतदाताले मतदानमा सहभागिता जनाएनन्। मतदान मंगलबार बिहान ८ बजेदेखि बेलुका ४ बजेसम्म शान्तिपूर्ण रूपमा सम्पन्न भएको जनाइएको छ।
यस निर्वाचनमा दीपक बहादुर कार्की र उत्तम कुमार श्रेष्ठ नेतृत्वका प्यानलबीच कडा प्रतिस्पर्धा देखिएको छ।
प्रमुख निर्वाचन आयुक्त विष्णु कार्कीका अनुसार आज राति ८ बजेदेखि मतगणना सुरु गरिनेछ।
