‘समुदायमा काँग्रेस’ संवाद अभियान सुरु


झापा, माघ १३ गते ।

नेपाली काँग्रेसका महामन्त्री गगन थापाको नेतृत्वमा झापादेखि समुदायसम्म काँग्रेस संवाद अभियान सुरु भएको छ । शनिबार उनले भद्रपुरको हुलाकी राजमार्ग प्रवेश नाकाबाट संवाद यात्राको आरम्भ गरेका हुन् ।

‘सामुदायिक काँग्रेस’ अभियानको शुभारम्भमा कांग्रेसका अर्का महामन्त्री विश्वप्रकाश शर्मा र पूर्वमहामन्त्री कृष्णप्रसाद सिटौला पनि सहभागी छन् ।

मेचीपुलमा महामन्त्री थापालाई पार्टीको झण्डा हस्तान्तरण गरी बिदाइ गरिएको थियो ।

पार्टीका कार्यकर्ता र जनताबाट गुनासो र सुझाव लिन संवाद यात्रा शुरु गरिएको थापाले बताए । उनले संवाद यात्रा नेपाली कांग्रेसका नेता तथा कार्यकर्तासँग मात्र नभई आम नागरिकसँग पनि प्रत्यक्ष संवाद हुने बताए ।

उनले झापाका कुन्जीबारी, खजुरागाछी, चौकीघाट लगायत क्षेत्रमा सम्बोधन गर्नेछन् ।

माघ २६ गते महाकालीको कञ्चनपुर पुगेर सम्पन्न हुने यात्राका क्रममा हुलाकी राजमार्गका २० भन्दा बढी जिल्लामा सर्वसाधारणलाई प्रत्यक्ष भेटेर सुझाव समेत संकलन गरिने छ ।

अर्का महामन्त्री विश्वप्रकाश शर्माले गगन भावी प्रधानमन्त्री भएको बताउँदै भने, ‘हाम्रो पुस्ताबाट गगन थापा प्रधानमन्त्री हुने हो।

मुख्यमन्त्री थापाले आम नागरिकको सुख–दुःख सुन्न संवाद यात्रा सुरु गरेको बताए ।

‘देशभरका श्रमिक, किसान, रोजगारी, बेरोजगार युवा, महिला, जेष्ठ नागरिकको कुरा सुन्ने छु,’ थापाले भने । उनले आफ्नो यात्राले कांग्रेसको रुपान्तरणमा टेवा पुग्ने बताए ।

श्रोत कान्तिपुर


यो खबर पढेर तपाईलाई कस्तो महसुस भयो ?


ताजा समाचार

धेरै पढिएको