यू–१९ विश्वकपमा सुपर सिक्समा पुग्न नेपालले पायो १४६ रनको लक्ष्य


काठमाडौं, माघ १२ गते।

फास्ट बलर आकाश चन्दको घातक बलिङको मद्दतमा अफगानिस्तानले नेपाललाई आईसीसी यू–१९ विश्वकप २०२४ मा सुपर सिक्समा पुग्न १४६ रनको मध्यम लक्ष्य दिएको छ ।

दक्षिण अफ्रिकाको बफेलो पार्क, पूर्वी लन्डनमा टस जितेर अफगानिस्तानले पहिले ब्याटिङ रोजेको थियो र ४०.१ ओभरमा १४५ रनमा अलआउट भयो। अफगानिस्तानका स्पिन अलराउन्डर मोहम्मद अल्लाह घजान्फरले २१ बलमा ४ चौका र ३ छक्का प्रहार गर्दै सर्वाधिक ३७ रन बनाए ।

एक बिन्दुमा अफगानिस्तानले २०.३ ओभरमा ८८(८ पुगेको थियो । नवौं विकेटका लागि फरिदुन डावुड्जाई र कप्तान नासिर खानले ५५ रनको साझेदारी गर्दै १५० रनको साझेदारी गरेका थिए । ८३ बलमा ३ चौका प्रहार गर्दै ३१ रन बनाएर नासिर खानलाई दिपेश कँडेलले कट एण्ड बोल्ड गरे । फरिदुन ६५ बलमा ४ चौका प्रहार गर्दै २९ रन बनाएर आउट भए ।

एक पटक ४३–६ को स्थितिमा पुगेको टोलीको सानो आशा जोगाउन उनले तल्लोक्रममा आक्रामक क्रिकेट खेलेका थिए । फास्ट बलर गुलशन झाले पहिलो ओभरको चौथो बलमा ओपनर नउमान शाहलाई दीपक डुम्रेको हातमा क्याच आउट गराएर नेपाललाई पहिलो सफलता दिलाएका थिए । त्यसपछि नेपालका अर्का तीब्र बलर आकाश चन्दले पाँच विकेट लिएर खेलमा वर्चस्व कायम गरे ।

दोस्रो ओभरको तेस्रो बलमा आकाश चन्दको बलमा किनारा लिएर खालिद टनिवाल विकेटकिपर विपिन रावलको हातमा क्याच आउट भए । जाश्मिद जाद्रान ३ रनमा आउट भए । जाश्मिदले गत डिसेम्बरमा यू–१९ एसिया कपमा नेपालविरुद्ध १०६ रनको शतकीय पारी खेलेका थिए ।

त्यसपछि सोहिल खान ४ र अली अहमद ० रन बनाएर आउट गर्दै ३४–५ को दयनीय अवस्थामा र्पुयाएका थिए । २० रन बनाएका हसन इशाखिललाई आकाशले दिपेशको हातमा कैच गराए । उनले ३५ बलमा ४ चौका प्रहार गरे ।

नेपालका आकाश चन्दले ८ ओभरमा ३४ रन दिएर ५ विकेट लिए । दिपेश कँडेलले ८ ओभरमा १७ रन दिएर १ मेडनसहित २ विकेट लिए ।

गुलशन झाले ८ ओभरमा १ मेडनसहित ४२ रन दिएर १ विकेट लिए । सुवास भण्डारीले ८।१ ओभरमा १ मेडनसहित १५ रन दिएर १ विकेट लिए । तिलक भण्डारीले ८ ओभरमा १ मेडनसहित २८ रन दिएर १ विकेट लिए ।

श्रोत onlinekhabar

 


यो खबर पढेर तपाईलाई कस्तो महसुस भयो ?

Array

ताजा समाचार

धेरै पढिएको