चितवन, पुस १० गते ।
प्रधानमन्त्री एवं नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले माक्र्सवाद ठोस परिस्थितिको ठोस विश्लेषण गर्ने दर्शन भएको बताउनुभएको छ । पार्टीको केन्द्रीय कार्यालय पेरिसडाँडामा आयोजित १३१औँ ‘माओ दिवस’का सन्दर्भमा उहाँले विचारको विकास आजको परिप्रेक्ष्यमा कम्युनिष्ट आन्दोलनको प्रमुख चुनौती भएको बताउनुभयो ।
अध्यक्ष दाहालले विकसित अवस्थाका आधारमा विचार विकास गर्नुपर्ने आवश्यकता औँल्याउनुभयो । उहाँले भन्नुभयो, ूआजको राष्ट्रिय र अन्तर्राष्ट्रिय अवस्था माओको जीवनकाल जस्तो छैन । माओपछि विश्व परिस्थितिमा ठूलो परिवर्तन भएको छ । साम्राज्यवादले नयाँ रणनीति र कार्यनीतिले आफूलाई जोगाइराखेको छ । हामी माक्र्सवादीहरूले आफूलाई परिवर्तन गर्न सकेका छैनौं, हामीले ठोस परिस्थितिअनुसार काम गर्नुपर्छ, आजको मुख्य चुनौती यही हो ।
माओलाई स्मरण गर्नु भनेको विचार र क्रान्तिलाई आधारभूत रुपमा सोच्नु हो, अध्यक्ष दाहालले माक्र्सवादीलाई यान्त्रीकरण वा अन्धो बनाउनु उपयुक्त नभएको बताउनुभयो । यो माओवादीको आठौं महाधिवेशनले संश्लेषित गरेको कार्यदिशा हो ।
प्रधानमन्त्री दाहालले सामाजिक न्याय, सुशासन र समृद्धिको बाटोबाट समाजवादको जग तयार हुने बताउँदै त्यसका लागि आफ्नो नेतृत्वको वर्तमान सरकार सक्रिय रहेको बताउनुभयो । उहाँले भन्नुभयो, ‘सरकारले सामाजिक न्याय, सुशासन र समृद्धिलाई उच्च प्राथमिकतामा राखेर समाजवादको आधार तयार गरेको छ । त्यसैका आधारमा हामी अगाडि बढ्छौं ।”
पार्टीले सञ्चालन गरेको ‘जनतासँग माओवादी विशेष रुपान्तरण अभियान’ सम्पन्न भएपछि छिट्टै नयाँ अभियानको थालनी हुने बताउँदै अध्यक्ष दाहालले भन्नुभयो, ‘चार महिना लामो अभियान मंसिर १६ गते सकिँदै छ, त्यसपछि हामी नेकपा माओवादी केन्द्रमा जानेछौँ । छलफल र अन्तरक्रियाका लागि मानिसहरू, र त्यसका लागि हामी विचारहरूमा केन्द्रित अर्को अभियान सुरु गर्नेछौं। ”
माओको जन्म आजभन्दा १३१ वर्षअघि चीनमा भएको थियो । माओको नेतृत्वमा चीनमा नयाँ लोकतान्त्रिक क्रान्ति सम्पन्न भएको थियो । कार्यक्रममा अध्यक्ष दाहालाललगायत अन्य नेताहरूले माओको तस्बिरमा माल्यार्पण गर्नुभएको थियो । सो अवसरमा माओवादी केन्द्रका उपाध्यक्ष पम्फा भुसाल, महासचिव देवप्रसाद गुरुङ, उपमहासचिव वर्षमान पुनलगायत नेता तथा कार्यकर्ताको उपस्थिति रहेको थियो ।
श्रोत रासस
