काठमाडौं, साउन ५ गते ।
शुक्रबार सुनचाँदीको मूल्य घटेको छ । सुन प्रतितोला ६ सय रुपियाँ र चाँदी प्रतितोला १५ रुपियाँ घटेको हो ।
नेपाल सुनचाँदी व्यवसायी महासंघका अनुसार आज छापावाल प्रतितोला १ लाख १२ हजार ८ सय रुपियाँ र तेजावी सुन प्रतितोला १ लाख १२ हजार २ सय ५० रुपियाँमा कारोबार भइरहेको छ ।
त्यस्तै आज चाँदी प्रतितोला १ हजार ४ सय ८० रुपियाँमा कारोबार भइरहेको महासंघले जनाएको छ ।
सुनचाँदीको मूल्य बढेर हिजो भने ऐतिहासिक रेकर्ड कायम भएको थियो ।
