पर्सा। Generation-Z (Gen-Z) आन्दोलनका क्रममा केन्द्रीय कारागार जगन्नाथदेवल, काठमाडौंबाट फरार भएका कर्तव्य ज्यान मुद्दाका कैदीलाई प्रहरीले पर्साबाट पक्राउ गरेको छ।
विशेष सूचनाका आधारमा खटिएको प्रहरी टोलीले वीरगंज महानगरपालिका-८ बस्ने ३७ वर्षीय दिपक कुमार महरालाई मिति २०८२।०७।२३ गते साँझ ४ बजेतिर पक्राउ गरेको हो। उनलाई पर्सा जिल्ला अदालतले कर्तव्य ज्यान (हत्या) सम्बन्धी कसूरमा २५ वर्ष कैद सजाय सुनाएको थियो।
महराले २०८२।०५।२४ गते Gen-Z आन्दोलनको भीडभाडको मौका छोपी केन्द्रीय कारागारबाट फरार भई आफ्नै घरतिर लुकीछिपी बस्दै आएको प्रहरीले जनाएको छ। पक्राउ परेपछि उनलाई आवश्यक कानुनी प्रक्रिया पूरा गराई कारागार कार्यालय वीरगंजमा बुझाइिएको छ।
