काठमाडौं, असार २० । जिल्ला प्रहरी परिसर काठमाडौंले आगामी सातादेखि भद्रकालीस्थित नयाँ भवनबाट सेवा प्रवाह गर्ने भएको छ ।
एक अर्बभन्दा बढीको लगानीमा तयार भएको भवनबाट असार २६ गतेदेखि सेवा सुरु गरिने जिल्ला प्रहरी परिसर काठमाडौंका एसपी नवराज अधिकारीले जानकारी दिए ।
भद्रकालीमा नवनिर्मित भवनको प्रहरी महानिरीक्षक (आईजीपी) वसन्त कुँवरले उद्घाटन गर्ने तयारी गरेका छन् ।
२०७२ को भूकम्पपछि हनुमानढोकाबाट विस्थापित भएका प्रहरी टेकुमामा पालमा सेवा दिइरहेको थियो ।
यस भवनमा सामाजिक अपराध गर्ने, लागुऔषध दुव्र्यसन र कारोबार गर्ने र जघन्य अपराध गर्नेहरूका लागि छुट्टाछुट्टै राख्न मिल्ने खालको हिरासत सहितको संरचना छ ।
लामो प्रयासपछि प्रहरीले भवन निर्माणका लागि भद्रकालीस्थित खाद्य संस्थानको १५ रोपनी जग्गा पाएको थियो । त्यसपछि अत्याधुनिक भवन निर्माण गरियो । onlinekhabar
