काठमाडौँ (रासस), मङ्सिर २६ गते।
१७ औं संसद सेवा दिवसको अवसरमा आयोजित मैत्रीपूर्ण फुटसल प्रतियोगितामा प्रतिनिधिसभा विजयी भएको छ । प्रतिनिधिसभाको टोलीले राष्ट्रियसभाको टोलीलाई ४–० गोल अन्तरले पराजित गरेको हो ।
भृकुटीमण्डस्थित फुटसल कोर्टमा २० मिनेटसम्म चलेको प्रतियोगितामा नेकपा (माओवादी केन्द्र)का सांसद माधव सापकोटा र राष्ट्रिय स्वतन्त्र पार्टीका सांसद विराजभक्त श्रेष्ठ र नेपाली काँग्रेसका सांसद विश्वप्रकाश शर्माले १–१ गोल गन्रुभयो। सांसद सापकोटाले पहिलो र दोस्रो गोल गन्रुभयो ।
तेस्रो गोल सांसद श्रेष्ठले र चौथो गोल सांसद शर्माले गरेका थिए । प्रतिनिधिसभाको टोलीको नेतृत्व सभामुख देवराज घिमिरे र राष्ट्रियसभाका सभामुख गणेशप्रसाद तिमिल्सिनाले नेतृत्व गर्नुभएको थियो ।
प्रतिनिधिसभाको टोलीमा सभामुख घिमिरेसहित उपसभामुख इन्दिरा राणा, सांसद सापकोटा, श्रेष्ठ, शर्मा, मनिष झा, प्रदीप यादव र तारमण लामा छन् भने राष्ट्रियसभाको टोलीमा सभामुख तिमिल्सिना, रमेशजङ रायमाझी, गोपी आचामी, सांसद सापकोटा, श्रेष्ठ, शर्मा, मनिष झा, प्रदिप यादव र तारमण लामा रहेका छन् । मायाप्रसाद शर्मा, डा। खिमलाल देवकोटा, भैरवसुन्दर श्रेष्ठलगायत थिए ।
सो अवसरमा सभामुख घिमिरेले संसद सेवा दिवसलाई मैत्रीपूर्ण फुटसल खेलेर उत्सवका रुपमा मनाउने बताउनुभयो । ‘नेपालमा फुटसलको विकास भएको केही समय भइसकेको छ, सानातिना ठाउँमा पनि फुटसल अभ्यास गर्न सकिने भएकाले खेलको प्रवद्र्धन गर्न र युवामा उत्साह जगाउन सहभागी भएका हौँ’, उहाँले भन्नुभयो । राजनीति र फुटसल एउटै किसिमको रहेको उल्लेख गर्दै उनले फुटसललाई भौतिक र राजनीतिक रूपमा विचारका रूपमा खेल्ने बताउनुभयो ।
राष्ट्रियसभाका अध्यक्ष तिमिल्सिनाले देशको चौतर्फी विकासका लागि खेलकुद महत्वपूर्ण विधा भएको बताउँदै यसले समूहमा बसेर काम गर्न र अनुशासन कायम गर्न मद्दत गर्ने बताउनुभयो । उहाँले भन्नुभयो, युवालाई खेलकुदमा प्रोत्साहन गर्न हामी मैदानमा आएका हौँ, बालबालिका र युवायुवती खेलकुदमा आकर्षित छन् भने मेस्सी र रोनाल्डोको मात्र नाम किन राखौँ, त्यही दिशामा अघि बढ्नुपर्छ।ू
उपसभामुख राणाले सदनको दबाबमा कानून निर्माणको काममा सधैं समय बिताउनु पर्ने अवस्थाबाट केही समय मुक्त हुन फुटसल जस्ता खेलकुदमा लाग्नुपर्ने बताउनुभयो । उनले भने, ‘मलाई भलिबल र साइकलमा रुचि भए पनि संसद दिवसलाई रमाइलो बनाउन फुटसलमा सहभागी भएको हो । प्रतियोगितामा पाँच महिलासहित कुल २२ फुटसल टोलीले प्रतिस्पर्धा गर्दैछन् ।
