धनगढी, असार २२ । धनगढीमा मोटरसाइकल दुर्घटनामा एक जनाको मृत्यु भएको छ ।
धनगढी उपमहानगरपालिका–१८ फुलबारीमा हसुलियातर्फ जाँदै गरेको से३ प५६९५ नम्बरको मोटरसाइकल नालीमा खस्दा चालकको मृत्यु र पछाडि बसेकालाई सामान्य घाइते भएका छन् ।
दुर्घटनामा गम्भीर घाइते भएका चालक कैलारी गाउँपालिका–८ का कृष्ण चौधरीको उपचारको क्रममा शनिबार बिहान सेती प्रादेशिक अस्पतालमा मृत्यु भएको प्रहरीले जनाएको छ ।
मोटरसाइकलको पछाडि बसेका २८ वर्षीय यादव चौधरी सामान्य घाइते भएका छन् ।
