कर्णाली पुल यातायातका लागि खुला


कैलाली, चैत ५ गते ।  

आगलागीपछि बन्द रहेको कर्णाली पुल आज यातायातका लागि खुला गरिएको छ ।

ग्यास लाइटर बोकेको ट्रकबाट भएको आगलागीबाट भएको क्षतीको मूल्याङ्कन गरेपछि पुललाई यातायातका लागि खुला गरिएको हो ।

स्थलगत मूल्याङ्कन र पुल पार गर्न आवतजावतमा कुनै समस्या नभएको भन्दै विज्ञसँगको परामर्शपछि पुल सञ्चालनमा आएको सडक डिभिजन कार्यालय नेपालगन्जका इन्जिनियर निरज शाक्यले बताए ।

गत सोमबार भएको घटनामा सिग्नेचर ब्रिजको तार डोरीमा आगो लागेको थियो ।

सडक डिभिजन कार्यालयको विज्ञ टोली क्षतिको निरीक्षण गर्न आउनुअघि पुललाई यातायातका लागि बन्द गरिएको थियो ।

 


यो खबर पढेर तपाईलाई कस्तो महसुस भयो ?

Array

ताजा समाचार

धेरै पढिएको