७ भदौ,झापा – झापाको कनकाई नगरपालिकामा एकै परिवारका तीनजना मृत फेला परेका छन्। नाबालक छोरीको हत्यापछि आमाबुवाले आत्महत्या गरेको प्रारम्भिक अनुमान प्रहरीले गरेको छ।
कनकाई नगरपालिकाको वडा नम्बर १ सिर्जना टोलका उनीहरु घरकै बलोमा झुन्डिएको अवस्थामा फेला परेको इलाका प्रहरी कार्यालय अनारमनी बिर्तामोडले जनाएको छ।
मृत भेटिनेमा बुवा ३४ वर्षीय रविन विक, आमा २९ वर्षीय मुना विक र ८ महिनाकी छोरी रुविना विक रहेका छन्।
रविन कोरोना पोजिटिभसमेत रहेका थिए। ८ दिन अघि गरिएको परीक्षणमा उनलाई कोरोना पोजिटिभ देखिएको थियो।
‘नाबालक छोरीको हत्यापछि बुवा–आमाले आत्महत्या गरेको हुनसक्छ’ प्रहरी अधिकारी भन्छन्, घटनाबारे थप अनुसन्धान भैरहेको छ।
