ज्ञानेश्वर सहानी
३१ साउन नवलपरासी । पश्चिम नवलपरासीको पाल्हिनन्दन गाउँपालिकाको कार्यालयमा तालाबन्दी गरेको छ । पालिकामा अनियमितता भएको कारणले पाल्हिनन्दन गाउँपालिका वडा नम्बर ३ बिजयपुरका नागरिकले तालाबन्दी गरेका हुन् ।
नागरिकहरुले समस्याहरु भोग्नू परेका कारण ति समस्याहरु समधानको लागी यस्ता मागहरु राखेका थिय ।
गाउँपालिकाको कार्यालय विजयपुर झुलनीपुर कायम गर्नुपर्ने , गाउँपालिकाको कार्यालयको दक्षिणपट्टि किनारामा पर्खाल लगाउनुपर्ने ,गाउँपालिकाको कार्यालयको उत्तर पूर्वपट्टिको कुनाबाट निस्केको बाटो नक्सा अनुसार हुनुपर्ने , गाउँपालिकाको सभाहल व्यक्तिगत प्रयोजनको लागि नभई सार्वजनिक तथा समाजिक कार्यका लागि मात्र प्रयोगमा ल्याउनुपर्ने , पाल्हिनन्दन गाउँपालिका वडा नम्बर ३ विजयपुर झुलनीपुर गाउँको बाटो निर्माणका लागि यथासिघ्र बजेट निकासा गर्नुपर्ने , गाउँपालिका भवनको निर्माणको लागत रकम सार्वजनिक गर्नुपर्ने ,गाउँपालिकामा कार्यरत कर्मचारी समय मै कार्यालयमा उपस्थित भई सेवाग्राहीलाई सेवा दिनुपर्ने आदि विभिन्न माग राख्दै ताला बन्दी गरेका हुन् ।
हिजो राती पाल्हिनन्दन गाउँपालिका वडा नम्बर ३ विजयपुरका नागरिकहरूले टायर बाली प्रदर्शन गरेका थिए।
