धनुषा। धनुषाको मिथिला नगरपालिका-७, ढल्केबरस्थित पूर्व-पश्चिम राजमार्गमा ट्रकले मोटरसाइकललाई ठक्कर दिँदा एक जना गम्भीर घाइते भएका छन्।
इलाका प्रहरी कार्यालय ढल्केबरका अनुसार बर्दिबासतर्फबाट आइरहेको को १ ख ५५७१ नम्बरको ट्रकले विपरीत दिशाबाट आउँदै गरेको प्रदेश २-०२-००२ प १८९१ नम्बरको मोटरसाइकललाई ठक्कर दिएको हो।
दुर्घटनामा बट्टेश्वर गाउँपालिका-१ का २८ वर्षीय कृष्णदेव महतो गम्भीर घाइते भएका छन्। उनलाई तत्काल उद्धार गरी उपचारका लागि जनकपुरस्थित एक अस्पतालमा पठाइएको प्रहरीले जनाएको छ।
घटनापछि ट्रक र चालक दुवैलाई प्रहरीले नियन्त्रणमा लिएर आवश्यक अनुसन्धान सुरु गरेको छ।
