दाङ, चैत २२ गते ।
लुम्बिनी प्रदेशका मुख्यमन्त्री डिल्लीबहादुर चौधरीले पदबाट राजीनामा दिने घोषणा गरेका छन् ।
बिहीबार लुम्बिनी प्रदेशसभा बैठकलाई सम्बोधन गर्दै चौधरीले राजीनामाको घोषणा गरेका हुन् ।
नेकपा (माओवादी केन्द्र)ले दिएको समर्थन फिर्ता लिएपछि नेपाली कांग्रेस संसदीय दलका नेतासमेत रहेका मुख्यमन्त्री चौधरीको नेतृत्वको सरकार अल्पमतमा थियो ।
बिहीबारको बैठकबाट विश्वासको मत लिने तयारी गरे पनि बहुमत नपुग्ने नदेखिएपछि उनले पदबाट राजीनामा दिएका घोषणा गरेका हुन्। उनले आफू मुख्यमन्त्री भएको ११ महिना रहेको बताए ।
उनले भने, ‘मैले प्रदेश सभामा राजीनामा दिएको घोषणा गरेको छु । उनले मुख्यमन्त्री परिवर्तन ठूलो कुरा नभएको पनि बताए । हामी प्रजातन्त्रवादी हौं, मुख्यमन्त्री परिवर्तन हुनु ठूलो कुरा होइन। हामी यो व्यवस्था बचाउन सक्छौं कि सक्दैनौंरु,’ उनले भने।
उनले छोटो अवधिमा सरकार परिवर्तन हुनु राम्रो नभएको पनि बताए ।
(सेतोपाटि)
