१२ फागुन । नेपालमा पछिल्लो २४ घन्टामा ३ सय १८ जना कोरोनाभाइरस संक्रमित थपिएका छन् । यही समयमा एक जनाको कोरोनाका कारण निधन भएको छ ।
स्वास्थ्य तथा जनसंख्या मन्त्रालयले दिएको जानकारीअनुसार यो समयमा ७ हजार ७ सय ४३ नमूना परीक्षण गरिएको थियो । यीमध्ये ५ हजार ५ सय ८ जनाको पिसिआर परीक्षण गरिएको थियो ।
यही समयमा ५ सय ६२ जना संक्रमणमुक्त भएको पनि स्वास्थ्य मन्त्रालयले जानकारी दिएको छ । देशभर अहिले कोरोनाभाइरसका ९ हजार ६ सय ७८ जना सक्रिय संक्रमित रहेका छन् ।
