काठमाडौं, वैशाख २ गते ।
काभ्रेमा बुद्धचित्तको रुख काटेको घटनामा प्रहरीले थप एक जनालाई नियन्त्रणमा लिएको छ ।
जिल्ला प्रहरी कार्यालय काभ्रेका प्रवक्ता डीएसपी राजकुमार श्रेष्ठका अनुसार घटनाबारे सोधपुछका लागि शनिबार राति एक जनालाई नियन्त्रणमा लिएको छ ।
उनीहरुलाई सोधपुछका लागि हिरासतमा राखेका छौं । घटनामा कसैको संलग्नता नभएको छानबिनपछि थाहा होला,’ उनले भने ।
काभ्रेको रोशी गाउँपालिका–५ नागबेलीस्थित शेरबहादुर तामाङको बारीमा रहेको बुद्धचित्तको रुख शुक्रबार बिहान करिब १ बजे काटिएको थियो ।
१५र२० जनाको अज्ञात समूहले बुद्धचित्तको रुख काटेर घरको आँगनमा चारवटा सकेट बम राखेको थियो ।
त्यो रुखमा फल्ने बुद्धचित्तका दाना तीन करोड रूपैयाँमा बिक्री गरिएको थियो ।
शेरबहादुरले सन्दीप त्रिपाठीसँग वार्षिक तीन करोड रुपैयाँ पाउने सम्झौता गरेका थिए ।
रुख काटिएको दिन शेरबहादुर काठमाडौंमा थिए ।
प्रहरीले शुक्रबार सोधपुछका लागि एक जनालाई नियन्त्रणमा लिएको थियो ।
उक्त व्यक्तिमाथि पनि सोधपुछ भइरहेको र शनिबार राति अर्का एक जनालाई पनि नियन्त्रणमा लिइएको डिएसपी श्रेष्ठले बताए ।
(सेतोपाटि)
