काठमाडौं, फागुन ११ गते ।
मोरङको बूढीगंगा गाउँपालिका–४ मा भारतीय नम्बर प्लेटको मालवाहक ट्रक पल्टिँदा तीन बालबालिका च्यापिएका छन् ।
मार्बल बनाउने ढुङ्गा बोकेको आर.जे. २९ जी.बी. १५६१ नम्बरको ट्रक पल्टिदा ट्रकमा लोड गरिएको मार्बलले तीन जनालाई किचेको थियो । उनीहरुको उद्धारको प्रयास जारी छ ।
ढुङ्गाले किचिएका बालबालिकाको परिचय खुल्न बाँकी रहेको जिल्ला प्रहरी कार्यालय मोरङका डिएसपी रञ्जनकुमार दाहालले जानकारी दिए । उनीहरुलाई प्रहरीले उद्धारको प्रयास गरिरहेको उनले बताए ।
प्रहरीका अनुसार मार्बलको कच्चा पदार्थ बोकेको ट्रक बुढीगंगास्थित जेएनजे मार्भल उद्योगमा आएको थियो ।
श्रोत onlinekhabar
