काठमाडौं। जिल्ला प्रशासन कार्यालय काठमाडौंले निर्वाचन सुरक्षालाई मध्यनजर गर्दै फागुन १८ गतेदेखि मतदानको दिन (२१ गते)सम्म रात्रिकालीन व्यवसाय बन्द गर्ने निर्णय गरेको छ।
कार्यालयद्वारा जारी सूचनाअनुसार राति ९ बजेपछि कुनै पनि व्यवसाय सञ्चालन गर्न पाइने छैन। अर्को निर्णय नभएसम्म सबै व्यवसाय राति ९ बजेसम्म मात्र सञ्चालन गरी त्यसपछि अनिवार्य रूपमा बन्द गर्न/गराउन सम्बन्धित सरोकारवालालाई निर्देशन दिइएको छ।
प्रशासनले प्रतिनिधिसभा निर्वाचनलाई शान्तिपूर्ण, निष्पक्ष र सुरक्षित वातावरणमा सम्पन्न गराउने उद्देश्यले यस्तो व्यवस्था गरिएको जनाएको छ।
