काठमाडौं, माघ १० गते ।
राष्ट्रियसभा निर्वाचनको मतदान अवधि सकिएको छ ।
मतदानको समय बिहान ९ बजेदेखि दिउँसो ३ बजेसम्म तोकिएको थियो ।
सो अवधिमा प्रदेश सभाका सदस्य र स्थानीय सरकार प्रमुखरउपप्रमुखहरूले मतदान गरेका छन् ।
स्थानीय निर्वाचनमा स्वतन्त्र उम्मेदवार बनेका जनप्रतिनिधि बालेन शाह, हर्क साम्पाङ र गोपाल हमालले मतदान गरेनन् ।
काठमाडौं महानगरपालिकाका मेयर बागमतीका मतदाता हुन् । उपमेयर सुनिता डंगोल मतदान गर्न हेटौंडा पुगेपनि मेयर बालेन शाह भने गएनन् ।
बालेनको व्यस्तताका कारण मतदान गर्न नगएको सचिवालयले जनाएको छ ।
धरान उपमहानगरपालिकाका मेयर हर्क साम्पाङ पनि मतदान गर्न गएनन् । धनगढी उपमहानगरपालिकाका मेयर गोपाल हमाल पनि व्यस्तताका कारण मतदानमा सहभागी नभएको उनको सचिवालयले जनाएको छ ।
श्रोत सेतोपाटी
