२८ माघ, जनकपुरधाम। जनकपुरधाम उपमहानगरपालिका-१७ तेतरियास्थित सडक छेउमा लैंगिक तथा यौनिक अल्पसंख्यक समुदायका एक व्यक्तिको शव फेला परेको छ।
धनुषाका प्रहरी उपरीक्षक (एसपी) रुगमबहादुर कुँवरका अनुसार घाँटीमा सल कसेको अवस्थामा शव फेला परेको हो। घटनास्थल र शवको प्रकृति हेर्दा हत्या भएको हुनसक्ने प्रारम्भिक आशंका गरिएको प्रहरीले जनाएको छ।
घटनास्थल वरपर चप्पल र झोला समेत फेला परेको छ। प्रहरीले घटनास्थलमा पुगेर मुचुल्का उठाउने तथा आवश्यक अनुसन्धान प्रक्रिया अघि बढाएको जनाएको छ।
घटनाबारे थप विवरण अनुसन्धानपछि सार्वजनिक गरिने प्रहरीले जनाएको छ।
